Leviticus 15:1 ουοϩ α `πϭοις ςαϫι νεμ μωυςης νεμ ααρων εϥϫω `μμος

Leviticus 15:2 ϫε ςαϫι νεμ νενϣηρι `μπιςραηλ ουοϩ εκεϫος νωου ϫε ουρωμι φη ετε ουον ουτελτελ ναϣωπι ϧεν πεϥςωμα πεϥτελτελ ϭαϧεμ

Leviticus 15:3 ουοϩ φαι πε φνομος `ντε πεϥϭωϧεμ εϥτελτελ `νουϫροϫ εβολ ϧεν πεϥςωμα εβολϧεν πιτελτελ φη ετεϥταϩηουτ ερατϥ ϧεν πεϥςωμα εβολ ϩιτεν πιτελτελ φαι πε πεϥϭωϧεμ νϧρηι νϧητϥ ϧεν νιεϩοου τηρου `ντε `πτελτελ `μπεϥςωμα παι τελτελ `ντε πεϥςωμα ϥταϩηουτ ερατϥ νϧητϥ ουεβολ ϩιτεν πιτελτελ πε πεϥϭωϧεμ

Leviticus 15:4 ουοϩ ϣαιρι νιβεν ετεϥναενκοτ ϩιϫωου `νϫε φη εττελτελ ϫροϫ ςεϭαϧεμ ουοϩ ςκευος νιβεν ετεϥναϩεμςι ϩιϫωου `νϫε φη εττελτελ ϫροϫ ςεϭαϧεμ

Leviticus 15:5 ουοϩ ρωμι νιβεν ετναϭι νεμ τεϥϣαιρι νενκοτ εϥερωϧι `ννεϥϩβως ουοϩ εϥεϫωκεμ `μπεϥςωμα ϧεν ουμωου ουοϩ εϥεϣωπι εϥϭαϧεμ ϣα φναυ `νϩαναρουϩι

Leviticus 15:6 ουοϩ φη ετναϩεμςι ϩιϫεν πιςκευος φη νιβεν ετεϥναϩεμςι ϩιϫωϥ `νϫε φη ετε πεϥϫροϫ τελτελ εϥερωϧι `ννεϥϩβως ουοϩ εϥεϫωκεμ ϧεν ουμωου ουοϩ εϥεϣωπι εϥϭαϧεμ ϣα φναυ `νϩαναρουϩι

Leviticus 15:7 ουοϩ φη ετναϭι νεμ πςωμα μφη ετε πεϥϫροϫ τελτελ εϥερωϧι `ννεϥϩβως ουοϩ εϥεϫωκεμ ϧεν ουμωου ουοϩ εϥεϣωπι εϥϭαϧεμ ϣα φναυ `νϩαναρουϩι

Leviticus 15:8 εϣωπ δε αϥϣανελτοϥ `νϫε φη ετε πεϥϫροϫ τελτελ εϫεν φη εττουβηουτ εϥερωϧι `ννεϥϩβως ουοϩ εϥεϫωκεμ ϧεν ουμωου ουοϩ εϥεϣωπι εϥϭαϧεμ ϣα φναυ `νϩαναρουϩι

Leviticus 15:9 ουοϩ ϣενϯ νιβεν ετεϥνααληι εροϥ `νϫε φη ετε πεϥϫροϫ τελτελ εϥεϣωπι εϥϭαϧεμ

Leviticus 15:10 νεμ ουον νιβεν ετναϭι νεμ `νχαι νιβεν ετϧαροϥ εϥεϣωπι εϥϭαϧεμ ϣα φναυ `νϩαναρουϩι ουοϩ φη ετναολου εϥερωϧι `ννεϥϩβως ουοϩ εϥεϫωκεμ ϧεν ουμωου ουοϩ εϥεϣωπι εϥϭαϧεμ ϣα φναυ `νϩαναρουϩι

Leviticus 15:11 ουοϩ νη τηρου ετεϥναϭι νεμωου `νϫε φη ετε πεϥϫροϫ τελτελ `μπεϥια νεϥϫιϫ εβολ ϧεν ουμωου εϥερωϧι `ννεϥϩβως ουοϩ εϥεϫωκεμ `μπεϥςωμα ϧεν ουμωου ουοϩ εϥεϣωπι εϥϭαϧεμ ϣα φναυ `νϩαναρουϩι

Leviticus 15:12 νεμ ουμοκι μβελϫ ετεϥναϭι νεμαϥ `νϫε φη ετε πεϥϫροϫ τελτελ ευεϧεμϧωμϥ νεμ ουμοκι `νϣε ευειαϥ εβολ ϧεν ουμωου ουοϩ εϥεϣωπι ε `ϥτουβηουτ

Leviticus 15:13 εϣωπ δε αϥϣαντουβο ϧεν πεϥφων εβολ `νϫε φη ετε πεϥϫροϫ τελτελ εϥεϭιηπι ναϥ ν7 νεϩοου επε `ϥτουβο ουοϩ εϥερωϧι `ννεϥϩβως ουοϩ εϥεϫωκεμ `μπεϥςωμα ϧεν ουμωου εϥονϧ ουοϩ εϥεϣωπι ε `ϥτουβηουτ

Leviticus 15:14 `μπιεϩοου `μμαϩ 8. ουοϩ εϥεϭι ναϥ νϭρομπϣαλ 2. ιε μας 2. νϭρομπι ουοϩ εϥεενου `μπεμθο `μ`πϭοις ϩιρεν νιρωου `ντε ϯςκυνη `ντε ϯμετμεθρε ουοϩ εϥετηιτου `μπιουηβ

Leviticus 15:15 ουοϩ ερε πιουηβ θαμιωου ουαι εθβε `φνοβι ουαι ευϭλιλ νϫοϥϫεϥ ουοϩ εϥετωβϩ εϩρηι εϫωϥ `νϫε πιουηβ `μπεμθο `μ`πϭοις εθβε πεϥτελτελ

Leviticus 15:16 ουοϩ ρωμι νιβεν ετεϥναι εβολ νϧητϥ `νϫε ουϣαιρι νϫροϫ εϥεϫωκεμ `μπεϥςωμα ϧεν ουμωου ουοϩ εϥεϣωπι εϥϭαϧεμ ϣα φναυ `νϩαναρουϩι

Leviticus 15:17 ουοϩ ϩβος νιβεν ιε ϣαρ νιβεν ετε ουον ϣαιρι νϫροϫ ϩιϫωου ευεραϧϥ ϧεν ουμωου ουοϩ εϥεϣωπι εϥϭαϧεμ ϣα φναυ `νϩαναρουϩι

Leviticus 15:18 ουοϩ ουςϩιμι εϣωπ `ντε ουρωμι νκοτ νεμας `νουϣαιρι `ντε ουϫροϫ ευεϫωκεμ ϧεν ουμωου ουοϩ ευεϣωπι ευϭαϧεμ ϣα φναυ `νϩαναρουϩι

Leviticus 15:19 ουοϩ `ςϩιμι νιβεν ετε πες`ςνοϥ τελτελ ουοϩ `ντεϥϣωπι `νϫε πεςτελτελ ϧεν πεςςωμα εςεϣωπι ϧεν τεςϣρω ν7 νεϩοου ουοϩ ουον νιβεν ετναϭι νεμας εϥεϣωπι εϥϭαϧεμ ϣα φναυ `νϩαναρουϩι

Leviticus 15:20 ουοϩ `νχαι νιβεν ετεςνανκοτ ϩιϫωου εςοι νϣρω ευεϣωπι ευϭαϧεμ νεμ νη τηρου ετεςναϩεμςι ϩιϫωου ευεϣωπι ευϭαϧεμ

Leviticus 15:21 ουοϩ ουον νιβεν ετναϭι νεμ τεςϣαιρι εϥερωϧι `ννεϥϩβως ουοϩ εϥεϫωκεμ `μπεϥςωμα ϧεν ουμωου ουοϩ εϥεϣωπι εϥϭαϧεμ ϣα φναυ `νϩαναρουϩι

Leviticus 15:22 νεμ ουον νιβεν ετναϭι νεμ ςκευος νιβεν ετεςναϩεμςι ϩιϫωου ευερωϧι ννουϩβως ουοϩ ευεϫοκμου ϧεν ουμωου ουοϩ ευεϣωπι ευϭαϧεμ ϣα φναυ `νϩαναρουϩι

Leviticus 15:23 εϣωπ δε ες ϩιϫεν τεςϣαιρι ιε εϫεν ςκευος νιβεν ετεςναϩεμςι ϩιϫωου ϧεν πιϫιντεϥϭι νεμας εϥεϣωπι εϥϭαϧεμ ϣα φναυ `νϩαναρουϩι

Leviticus 15:24 ουοϩ εϣωπ αρεϣαν ουαι νκοτ νεμας `νουϣαιρι ουοϩ `ντε πεςϭωϧεμ ϣωπι ϩιϫωϥ εϥεϣωπι εϥϭαϧεμ ν7 νεϩοου ουοϩ ϣαιρι νιβεν ετεϥνανκοτ ϩιϫως εςεϣωπι εςϭαϧεμ

Leviticus 15:25 ουοϩ ουςϩιμι εϣωπ εςτελτελ `νουϫωϣ εβολ `ντε ου`ςνοϥ `νϩανμηϣ νεϩοου ϧεν πςηου αν `ντε τεςϣρω ιε εϣωπ ον εςτελτελ μενενςα τεςϣρω νιεϩοου `ντελτελ `ντε πεςϭωϧεμ κατα νιεϩοου `ντε τεςϣρω εςεϣωπι εςϭαϧεμ

Leviticus 15:26 ουοϩ ϣαιρι νιβεν ετεςναενκοτ ϩιϫωου `ννιεϩοου τηρου `ντελτελ ντας κατα ϯϣαιρι `ντε τεςϣρω παιρηϯ εςεϣωπι νας ουοϩ ςκευος νιβεν ετεςναϩεμςι ϩιϫωου ευεϣωπι ευϭαϧεμ κατα πϭωϧεμ `ντε τεςϣρω

Leviticus 15:27 φη νιβεν ετναϭι νεμας εϥϭαϧεμ ουοϩ εϥερωϧι `ννεϥϩβως ουοϩ εϥεϫωκεμ ϧεν ουμωου ουοϩ εϥεϣωπι εϥϭαϧεμ ϣα φναυ `νϩαναρουϩι

Leviticus 15:28 ουοϩ εϣωπ `ντεςτουβο εβολ ϩα πεςτελτελ ουοϩ εςεϭιηπι νας ν7 νεϩοου ουοϩ μενενςα ναι εςετουβο

Leviticus 15:29 ϧεν πιεϩοου `μμαϩ 8. ουοϩ εςεϭι νας νϭρομπϣαλ 2. ιε μας 2. νϭρομπι ουοϩ εςεενου ϩα πιουηβ εϫεν `φρο `νϯςκυνη `ντε ϯμετμεθρε

Leviticus 15:30 ουοϩ ερε πιουηβ θαμιε ουι μμωου εθβε `φνοβι ουοϩ ϯκεουι ευϭλιλ νϫοϥϫεϥ ουοϩ ερε πιουηβ τωβϩ εϩρηι εϫως `μπεμθο `μ`πϭοις εθβε `πτελτελ `ντε πεςϭωϧεμ

Leviticus 15:31 ουοϩ νενϣηρι `μπιςραηλ αριτου `νρεϥερϩοϯ εβολ ϩα `νουϭωϧεμ ουοϩ ννουμου εθβε πουϭωϧεμ ϧεν `πϫιντουϭωϧεμ νταςκυνη ετε νϧητου

Leviticus 15:32 φαι πε φνομος `ντε φη ετε πεϥϫροϫ τελτελ νεμ φη νιβεν ετε ουον ϣαιρι νϫροϫ ναι εβολ νϧητϥ ϩωςδε εϭωϧεμ νϧητς

Leviticus 15:33 νεμ θη ετε πες`ςνοϥ τελτελ ϧαρος ϧεν τεςϣρω νεμ φη ετε πεϥ`ςνοϥ τελτελ πιϩωουτ νεμ ϯ`ςϩιμι νεμ ρωμι νιβεν ετναενκοτ νεμ θη ετοι νκεμα